स्टेटस सिंबल

कवनों अंगुरी केहु के बांह

धांगब रोजे सागरी राह । 

परिभाषा त हमही गढली

ओहू के गरही मे ढाकब ॥

हमही थुकली हमही चाटब ॥

शरम हया कुल्हि बेंच सेंच के

खाली आपन राग चलाइब ।

समझे दुनिया चाहे कुछों

भर बजार मे नंगा नाचब ॥

हमही थुकली हमही चाटब ॥

इहे  बाटे स्टेटस सिंबल

बोलब कुछों लेबै दलबल ।

सभे लुटलस जी जी भर

हम काहे के पीछे हटब ॥

हमही थुकली हमही चाटब ॥

एक्के शब्द के डंका पीटब

कंधा दर कंधा के रीतब ।

दिन दुपहरिया गाइब भौचाल

मय कायनात गियाने बाटब ॥

हमही थुकली हमही चाटब ॥

परजा रोई रोअल नसीब बा

सुख के सेज हमरा करीब बा ।

झुनझुना बजावा सुबह शाम

अपनन के बस रेवड़ी बाटब ॥

हमही थुकली हमही चाटब ॥ 

तुनक मिजाजी केकरो साजे

हमरा ही बस डंका बाजे

कुल्हि जुगाड़ अब ठोक बजाई

हर दुअरा पर परचा साटब ॥

हमही थुकली हमही चाटब ॥

चिलवाइब दुनिया भर रोज

बइठल खाइब भर पेट भोज

सभकर छीनब दाना पानी

कुल्हि मलाई हमही काटब ॥

हमही थुकली हमही चाटब ॥

·         जयशंकर प्रसाद द्विवेदी

जनि करिहा

बड़ी मेहनत से बनेला ई शान बाबू ।

जनि करिहा इजतिया जिआन बाबू ॥

कतहू न मिलिहन अइसन देश आ समाज हो

नहीं पईबा कतहू अइसन मनई खुसमिजाज हो

इहवें होला संस्कारन के विहान बाबू ।

जनि करिहा इजतिया जिआन बाबू ॥

ज्ञान अ विज्ञान के जवान इहे देश हो

दुनिया मे सबसे महान इहे देश हो

होला इहवें से विकसित अरमान बाबू ।

जनि करिहा इजतिया जिआन बाबू ॥

हर धरम – करम फुले अ फले इहवाँ

सनेहिया क गगरी मिलेला ढेर इहवाँ

एही से बेसी न मिलिहें सम्मान बाबू ।

जनि करिहा इजतिया जिआन बाबू ॥

एही के सराहा खाली एकरे के सँवारा हो

बाउर खियाल नाही केकरो के गंवारा हो

करिहा देशवा नमन भूली अभिमान बाबू ॥

जनि करिहा इजतिया जिआन बाबू ॥

·         जयशंकर प्रसाद द्विवेदी 

तू त रहबा यार

करिया उज्जर कूल्ही कईला

कालधन के अजगर भइला

तू का रहबा यार , तीहाड़ों खाली हौ

जईसन कईला व्यापार जाए के हाली हौ

सारा माल डकार गइला , तू का कहबा यार ।

अबकी त सरकार गइल , तू त  रहबा यार ।।

जर जमीन जोरू मे फंसला

खाली चीलम पी के खंसला

तू अब सहबा यार , स्वामी जी कै नजर पड़ल हौ

हचक के लिहला अहार ,जनतो के नजर गड़ल हौ

जनता के मूरख बनवला, अब का चरबा यार ।

अबकी त सरकार गइल , तू त  रहबा यार ।।

चढ़ा के तेवरी पन्ने फड़ला

दुनिया के अखियों मे चढ़ला

मट्ठा महबा यार , कोरट भी पीछे पड़ल हौ

अब के डाली हार , माथा पर जब दोष मढ़ल हौ 

न्यायालय के समने अब सब कुछ गहबा यार।

अबकी त सरकार गइल , तू त  रहबा यार ।।

मरघट के अब सपनों देखबा

चमचन के संग अपनों देखबा

तू त डहबा यार , जनतों अब सवाली हौ

बहुत भइल ब्यभिचार,धोवे के अब थाली हौ

पार्टियो के जागीर बनवला,अब का चहबा यार ।

अबकी त सरकार गइल , तू त  रहबा यार ।।

·         जयशंकर प्रसाद द्विवेदी 

"कुछों को लगता है "

कुछों को लगता है

मै शब्द गढ़ता हूँ

अभियंत्रण का

पाठ पढ़ता हूँ

बड़ी ही बेदिली से

संवाद करता हूँ ।

कुछों को लगता है

राजनीति जीता हूँ

वक्त बेवक्त ही सही

अपमान पीता हूँ

अनजाने मे समझ बैठा

किसी उदघाटन का फीता हूँ ।

कुछों को लगता है

व्यापार करता हूँ

अकथ्य ही सही

व्यवहार करता हूँ

नित नई वेदना का

अंबार भरता हूँ ।

कुछों को लगता है

बस विहार करता हूँ

अन्यथा ही दर – बदर

मंत्रोचार करता हूँ

आज से ही अग्र युग का

आधार धरता हूँ ।

  

कुछों को लगता है

उन्माद देता हूँ

अवसाद हर घड़ी पीकर

आह्लाद देता हूँ

तिमिर मे ऊँघते पथ पर

दीप संचार देता हूँ ।

कुछों को लगता है

बस बातें बनाता हूँ

समय के साथ चलकर

उनके खाते बताता हूँ

दिल से मूल्यांकन तो करो

बहुतों को न भाता हूँ ।

कुछों को लगता है

सब कुछ जुमलाबाजी है

समय के साथ चलना भी

क्या जालसाजी है ?

रुको जरा , सोचकर देखो

सच मे कौन कामकाजी है ?

कुछों को लगता है

अनदेखी होती है

समस्याएँ तो जस की तस

हमारी उम्मीद खोती है

सिर उठाकर तो देखो

विश्व भाल पर चमकता मोती है ।

·         जयशंकर प्रसाद द्विवेदी 

बंदरबाँट

कुछ तीतर को

कुछ बटेर को

बाकी मेरा अहम खा गया ।

कुछ बंदो को

कुछ चंदों को

बाकी पर कुछ रहम आ गया ।

कुछ तोड़ फोड़

कुछ कहासुनी

बाकी पर वाक आउट छा गया ।

कुछ आरक्षण

कुछ संरक्षण

बाकी पर स्टे आ गया ।

कुछ झूठों को

कुछ रूठों को

बाकी तो मीडिया पा गया ।

कुछ लूट को

कुछ छूट को

बाकी को परदेश भा गया ।

कुछ सोने को

कुछ रोने को

बाकी को कुछ याद आ गया ।

·         जयशंकर प्रसाद द्विवेदी 

राजनीति के रोटी

बात कइसन गढ़ाइल, न सोहाईल ए बाबा ।

बात सोगहग रहल , ई नईखे पता ।

घटना काहें भइल , बा केकर खता ।

बेमतलब मे मनई पिसाइल, ए बाबा ।

धरम - जात - मजहब क खाका बुनल

बिन प्रयोजन, बिना बात, आका चुनल

नीमन सनेहिया क डोर कटाइल ए बाबा ।

मुहजोरी के फेरु बवंडर उठल ।

बउरपन के कूल्ही रेकड़ टुटल ।

सँवारे क मंतर कुल भुलाइल, ए बाबा ।

केहु पचरा कहल केहु खाली सुनल ।

केहु झनकल , पटकल न केहु गुनल ।

उहवाँ केहु न आपन भेंटाइल ए बाबा ॥

सच्चाई के उहाँ महटियावल गइल ।

कड़ुवाहट के खाली बढ़ावल गइल  ।

निरा राजनीति के रोटी सेंकाइल ए बाबा ॥

·         जयशंकर प्रसाद द्विवेदी